【親子】四肢發達 = 頭腦簡單？

POPA Channel
7 年前
奉政府籲，小朋友最好每日運動一個鐘，但唔少家長一聽就火都黎埋，因為功課已經佔去小朋友大部分嘅時間，學業同運動豈能兼得？而大部分人最終只好選擇有時間先去做運動。但大家有無諗過，衝返屋企做功課之前，比孩子運動一下，就可以兩全其美？因為運動唔單止強身健體，仲對小朋友腦部發展有意想不到嘅好處！

美國伊利諾大學厄巴納香檳分校人體工學及社區健康學系的教授Dr. Charles H. Hillman曾經招募過兩組體能不同嘅學童，評估佢地閱讀、串字同算術等能力，結果發現體能好嗰組嘅學生喺做測試嘅時候，腦部活動量較大，「轉數」都快人一步！以前我地成日話「四肢發達，頭腦簡單」，但原來事實啱啱相反！