雅虎香港電視

【Now財經台】俄羅斯僱傭兵組織瓦格納集團兵變落幕，首腦普里戈任至今行蹤未明，而總統普京喺事件結束後，一直未有露面及公開評論事件，回顧今次兵變事件，雖然事件發生至今，國際社會極度關注，但值得留意係，包括股市及債市在內嘅國際金融市場，表現尚算冷靜，點解事件未有帶嚟太大震盪？

iFast Global Market副總裁溫鋼城指，俄羅斯舊年開始就面對西方國家制裁，資產被凍結，因此，有冇爆發內戰都唔會有太大影響。佢又話，雖然俄羅斯政局動盪，但外資只係一個塘邊鶴角色，就算俄羅斯本土投資者都冇做買賣嘅意欲，作為一個封閉市場，可以做嘅事其實唔多，事實上，喺俄羅斯嘅歐美企業都紛紛轉讓資產，甚至停運。